# 35. என்னே என் பேறு!
திங்கட் பசுவின் மணம் நாறும் சீறடி சென்னி வைக்க
எங்கட்கு ஒருதவம் எய்தியவா! எண்ணிறந்த விண்ணோர்
தங்கட்கும் இந்தத் தவம் எய்துமோ? தரங்கக் கடலுள்
வெங்கட் பணி அணைமேல் துயில் கூறும் விழுப்பொருளே.
அலைகடலில் பாம்பணைமீது அறிதுயில் கொள்ளும் திருமாலின் திறனாகிய வைஷ்ணவி தேவியே! இளம் பிறையின் மணம் கமழும் உன் சிறிய செவ்வடிகளைத் தலையில் சூட்டி என்ன பேறு எமக்கு அளித்து விட்டாய் நீ! எண்ணில் அடங்காத தேவர்களுக்கும் இந்தப் பேறு கிடைக்குமோ?
தேவி நீயே துணை! 